ရှေ့ဆောင်လမ်းပြသူ အမျိုးသမီးဆု ဒေါ်အောင်ဆန်းစုကြည်ကို ချီးမြှင့်

2011-04-08

အမေရိကန် ပြည်ထောင်စု အခြေစိုက် Vita Voices Global Partnership အဖွဲ့က သူတို့ရဲ့ ၁၀ ကြိမ်မြောက် Global Leadership Award ဆုရှင် ၆ ဦးထဲက တဦးအဖြစ် ဒေါ်အောင်ဆန်းစုကြည်ကို ၂၀၁၁ ခုနှစ် အတွက် ရွေးချယ် ချီးမြှင့်ကြောင်း ကြေညာလိုက်ပါတယ်။

(Photo: AFP)

၂ဝ၁၁ ခုနှစ် ဇန်နဝါရီလ ၂၈ ရက်နေ့က ဆွစ်ဇာလန်နိုင်ငံ ဒါဗို့စ်မြို့၌ ပြုလုပ်သည့် ကမ္ဘာ့စီးပွားရေး ညီလာခံတွင် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် ပေးပို့သည့် သဝဏ်လွှာမိန့်ခွန်း အသံသွင်းတိတ်ခွေကို ဖွင့်ပြခဲ့ပါသည်။ (Photo: AFP)

ဆုရှင် ၆ ဦးထဲမှာ ၁၀ ကြိမ်မြောက် အထူးဆုအဖြစ် Trail-Blazerလို့ခေါ်တဲ့ ရှေ့ဆောင်လမ်းပြသူ အမျိုးသမီးဆုကိုတော့ ဒေါ်အောင်ဆန်းစုကြည်ကို ချီးမြှင့်မယ်လို့ သိရပါတယ်။ ဒီဆုအတွက် ဒေါ်အောင်ဆန်းစုကြည်ကို ရွေးချယ်ခဲ့ရတာနဲ့ ပတ်သက်ပြီး အဖွဲ့ရဲ့ပြောခွင့်ရသူ Ms. Flavia Draganus က အခုလို ပြောပြပါတယ်။
မြန်မာနိုင်ငံမှာ ဒီမိုကရေစီနဲ့ လူ့အခွင့်အရေးတွေ ရရှိရေးအတွက် ဒေါ်အောင်ဆန်းစုကြည်က ငြိမ်းချမ်းတဲ့ နည်းလမ်းတွေနဲ့ ဖော်ဆောင်ဖို့ ကြိုစားနေတာကြောင့်မို့ စွန့်ဦးတည်ထွင်သူအမျိုးသမီးဆု ချီမြှင့်ဖို့ ရွေးချယ်ခဲ့ရတာပါလို့ သူက ပြောပြသွားပါတယ်။
ဒီဆုဟာ အမျိုးသမီးတွေကိုပဲ နှစ်စဉ်ရွေးချယ် ချီးမြှင့်နေတဲ့ဆုဖြစ်ပြီး၊ ဒေါ်အောင်ဆန်းစုကြည်နဲ့အတူ Global Leadership Award ဆုကို ရတဲ့ အမျိုးသမီး ၅ ဦးကတော့ အိန္ဒိယနိုင်ငံက လူကုန်ကူးမှုတိုက်ဖျက်ရေး ခေါင်းဆောင် အမျိုးသမီး မစ္စ ဆုနီသာ ခရစ္စနမ် ၊ အစ္စရေး-ပါလက်စတိုင်း ငြိမ်းချမ်းရေး ဆောင်ရွက်နေတဲ့ အမျိုးသမီး ၂ ဦး၊ ကင်မရွန်နိုင်ငံက စီးပွားရေးလုပ်ငန်းရှင် ခါ ဝေါ်လာ ၊ အာဖဂန်နစ္စတန် နိုင်ငံက စီးပွားရေး လွတ်လပ်ခွင့်အတွက် လှုပ်ရှားနေသူ ဖာတမာ အက်ခ် ဘာရီတို့ ဖြစ်ကြောင်း သိရပါတယ်။
ဆုပေးပွဲကို ဧပြီလ ၁၂ ရက်နေ့ အမေရိကန် ပြည်ထောင်စုမြို့တော် ဝါရှင်တန်ဒီစီမြို့မှာ ရှိတဲ့ ဂျွန်အက်ဖ် ကနေဒီ စင်တာမှာ ကျင်းပမှာ ဖြစ်ပြီး၊ အမေရိကန် နိုင်ငံခြားရေးဝန်ကြီး ဟီလာရီ ကလင်တန် ကိုယ်တိုင် တက်ရောက် ဆုချီးမြှင့်မယ်လို့ သိရပါတယ်၊ ဒါ့အပြင် လူမှုရေးလုပ်ငန်းတွေ လုပ်နေတဲ့ နာမည်ကျော် ဟောလီးဝုဒ် ရုပ်ရှင်မင်းသမီးတွေနဲ့ CNN လို ရုပ်သံဌာနက နာမည်ကျော် ပုဂ္ဂိုလ်တွေလည်း တက်ရောက်မယ်လို့ သိရပါတယ်။

လူ့အခွင့်အရေးတိုးတက်ဖို့ အာဏာရှင် အစိုးရများကို ဖိအားပေးဖို့ လိုအပ်

2011-01-25

လက်ရှိ လူ့အခွင့်အရေး အခြေအနေတွေ တိုးတက် ပြောင်းလဲလာဖို့ ဆိုရင် ဥရောပသမဂ္ဂ အပါအဝင် နိုင်ငံတကာ အစိုးရတွေအနေနဲ့ အာဏာရှင် အစိုးရတွေကို ထိရောက်တဲ့ ဖိအားတွေ ပေးကြဖို့ လိုအပ်တယ်လို့ ဇန်နဝါရီ ၂၄ ရက် မနေ့က ထုတ်ပြန်တဲ့ နိုင်ငံတကာ လူ့အခွင့်အရေး လေ့လာ စောင့်ကြည့်ရေး အဖွဲ့ (HRW) ရဲ့ ၂၀၁၁ ခုနှစ် အစီရင်ခံစာက တိုက်တွန်းလိုက်ပါတယ်။

Photo: Courtesy of Free Burma Rangers)

စစ်အစိုးရတပ်ဖွဲ့များနှင့် ၎င်းတို့ အဓမ္မ အလုပ်ခိုင်းစေသဖြင့် အထုပ်အပိုးများ ထမ်းနေရသော ပေါ်တာများကို တွေ့ရပုံ ဖြစ်ပါသည်။ (Photo: Courtesy of Free Burma Rangers)

မနှစ်က လူ့အခွင့်အရေး အခြေအနေတွေကို ကြည့်ရင် ဥဇဘက်ကစ္စတန်၊ တပ်ခ်မန်နစ္စတန်နဲ့ အာဖရိကတိုက်က အာဏာရှင် နိုင်ငံတွေအပေါ် အနောက်နိုင်ငံတွေရဲ့ ပျော့ပျောင်းတဲ့ ဆက်ဆံရေးမူဝါဒဟာ သက်ဆိုင်ရာ အစိုးရ တွေရဲ့ လူ့အခွင့်အရေး ချိုးဖောက်မှုတွေကို မတားဆီးနိုင်ခဲ့ဘူးလို့ ဆိုပါတယ်။ လူ့အခွင့်အရေး အခြေအနေ ဆိုးရွားတဲ့ နိုင်ငံစာရင်းထဲမှာ မြန်မာနိုင်ငံလည်း ပါဝင်ပါတယ်၊ မြန်မာနိုင်ငံနဲ့ ပတ်သက်ပြီး HRW ရဲ့ မူဝါဒရေးရာ ညွန်ကြားရေးမှူး Tom Malinowski က RFA ကို အခုလို ပြောပါတယ်။
လူ့အခွင့်အရေး အခြအနေကို ပြောမယ်ဆိုရင် တချို့နိုင်ငံတွေက တိုးတက်လာပေမဲ့ တချို့နိုင်ငံတွေက မတိုးတက်ပါဘူး။ မြန်မာနိုင်ငံက အခြေအနေဆိုရင် ရေဒီယို သောတရှင်တွေက ပိုပြီးတောင်သိနေမှာပါ။ စစ်အစိုးရကျင်းပတဲ့ ရွေးကောက်ပွဲဟာ ဒီမိုကရေစီစနစ်အတွက် အထောက်အကူ မဖြစ်ခဲ့ပါဘူး။ နောက် ဒေါ်အောင်ဆန်းစုကြည်ကို လွှတ်ပေးလိုက်ပေမဲ့ အဓိက အပြောင်းအလဲ ဖြစ်လာဖို့ စစ်အစိုးရက ဆက်လက် လုပ်ဆောင်တာ မတွေ့ရပါဘူးလို့ သူက ပြောသွားပါတယ်။
လူ့အခွင့်အရေး မြှင့်တင်ရေး အနောက်နိုင်ငံတွေရဲ့ကြိုးပမ်းချက် အထူးသဖြင့် ဥရောပသမဂ္ဂရဲ့ အခန်းကဏ္ဍမှာ အားနည်းချက်တွေ အများကြီး ရှိနေတယ်ဆိုတာ ဒီနှစ် အစီရင်ခံစာက အဓိကေ ထာက်ပြထားပါတယ်လို့ Tom Malinowski က ဆိုပါတယ်။
HRW ရဲ့ ၂၁ ကြိမ်မြောက် နှစ်ပတ်လည် အစီရင်ခံစာမှာ နိုင်ငံပေါင်း ၉၀ ကျော်က လူ့အခွင့်အရေး အခြေအနေတွေကို သုတေသနပြု မှတ်တမ်းတွေနဲ့ ဖော်ပြထားပါတယ်။

အောင်လံနယ်က အဓမ္မခိုင်းစေမှု ILO တိုင်ကြား

2011-01-20

အောင်လံမြို့ နယ် ပဒဲရွာတဝိုက်မှာ ဇေကမ္ဘာ ကုမ္ပဏီရဲ့ စိုက်ခင်းတွေ အတွက် ဒေသခံ တောင်သူတွေ မြေယာ အသိမ်းခံရတဲ့ အပြင်၊ အခမဲ့ လုပ်ကိုင် ဆောင်ရွက် ပေးနေရတာတွေကို ရန်ကုန်မြို့ အခြေစိုက် ILO ရုံးကို တင်ပြကြရာမှာ ILO ရုံးအရာရှိက လက်ခံထားလိုက်တယ်လို့ သတင်းရရှိပါတယ်။

စစ်တပ်ဂိတ်ဖွင့်ပြီး ရွာသားများထံမှ ဂိတ်ကြေးတောင်း

2011-01-19

မကွေးတိုင်း တောင်တွင်းကြီး မြို့နယ် အတွင်းမှာ ကပစ (၁၈) က စက်ရုံလုံခြုံရေးနဲ့ မဆိုင်ပဲ ၇ မိုင် အကွာမှာ စစ်တပ်ဂိတ်တခုဖွင့်ပြီး ဒေသခံတွေဆီကနေ ငွေကြေး အဓမ္မ တောင်းယူနေတယ်လို့ ဒေသခံတွေက ပြောပါတယ်။

(Photo: AFP)

ကျေးလက်ဒေသတွင် နွားလှည်းစီးကာ ခရီးသွားနေသော ရွာသူရွာသားများ ဖြစ်ပါသည်။ (Photo: AFP)

ဒါ့အပြင် ငွေမပေးနိုင်သူ ဆင်းရဲသား ရွာသားတွေကိုလည်း နေပူလှန်း၊ ဖားခုန် ခိုင်းတာမျိုးတွေ နေ့စဉ် ဖြစ်နေတယ်လို့ ကိုယ်တိုင် အမြဲတမ်း ကြုံတွေ့နေရတဲ့ ရွာသားတဦးက RFA ကို ပြောပါတယ်။
ပျဉ်းမနား - တောင်ညို အဝေးပြေးလမ်းမကနေ ကပစ (၁၈) စက်ရုံ ရှိတဲ့ဖက်ကို အရှည် ၇ မိုင်ရှိတဲ့ လမ်းခွဲတခု ဖောက်လုပ်ပြီး ကပစ (၁၈) က ဂိတ်တခု ဖွင့်ပြီး အဲဒီလို ဒေသခံတွေကို ညှဉ်းပန်းနှိပ်စက်နေတာ ဖြစ်ပါတယ်။ အဲဒီ ဂိတ်ဟာ ကပစ စက်ရုံကနေ ၇ မိုင်လောက်ဝေးတဲ့ လမ်းဆုံမှာ စက်ရုံ လုံခြုံရေးနဲ့ ဘယ်လိုမှ မသက်ဆိုင်ပဲ ငွေရလိုမှု တခုတည်းနဲ့သာ ဖွင့်ထားတဲ့ ဂိတ်တခု ဖြစ်ကြောင်း ရွာသွားတွေက ပြောပါတယ်။ အဲဒီဂိတ်ကို မကြာခဏ ဖြတ်သွားရတဲ့ ဒေသခံ ရွာသားတဦးက RFA ကို အခုလို ပြောပြပါတယ်။
“ဒီ ကပစ ၁၈ ကနေပြီးတော့ သူတို့ ဧရိယာနဲ့ မဆိုင်ပဲ ကျွန်တော်တို့ အရပ်ဖက် နယ်ထဲကို ၇ မိုင်လောက် ကျော်ပြီးတော့ ဒီ ဂိတ်ကြီး ဆောက်ထားတယ်ဗျ။ အဲဒီ ဂိတ်ကြီး ဆောက်ထားပြီးတော့ အဲဒီ ဂိတ်မှာ မောင်းတံကြီး ချပြီးတော့ အဲဒီ လမ်းထဲကို ဝင်သမျှ ကားဟူသရွေ့ကို ကောက်တယ်။ ကောက်ခံတဲ့ အချိန်မှာလည်း တင်းတင်းမာမာ တောင်းဆိုပြီးတော့ ကောက်ခံလေ့ရှိတယ်။”
“အလားတူပဲ ကားတစီးကိုလည်း တခေါက် ဖြတ်တိုင်းဖြတ်တိုင်းပဲ ၁၀၀၀ တောက်လျှောက် တောင်းတယ်ဗျ။ သူတို့ လမ်းပေါ်က ဖြတ်သွားမိတဲ့ လှည်းတွေဆိုရင် အငေါက်ခံရတယ်၊ ဖားခုန် ခုန်ခိုင်းမယ် ပြောတယ်၊ ပါးရိုက်မယ်၊ နားရိုက်မယ် ကြိမ်းမောင်းတယ်၊ တော်တော် ဆိုးတာက လမ်းထိပ်ဝ နေရာမှာ ရှိတာကိုး၊ သူတို့ လမ်းနဲ့ မဆိုင်တဲ့ ကျွန်တော်တို့ အရပ် လမ်းပေါ်မှာ သွားတဲ့ လှည်းတွေကိုလည်း ငေါက်ပြီးတော့ ထင်းတော ဝါးတော ဆင်းတဲ့ ဆင်းရဲတဲ့ ဒီ သစ်တောထွက် လှည်းနွားတွေကို ခေါ်ပြီးတော့ ရပ်ခိုင်းတယ်၊”
“အဲဒီ တောင်သူတွေ အရပ်သားတွေကို သူတို့ ဆက်ကြေး တောင်းတယ်ပေါ့ဗျာ။ သူတို့အတွက် အခွန် လှည်းတစီးကို ထင်းလှည်း ဝါးလှည်းဆို ပိုက်ဆံပေးမလား၊ မပေးရင် ထင်းချဝါးချ ဖားခုန် ခုန်ခိုင်းမယ်၊ ပါးရိုက်မယ် အစရှိတာ အဲလို တပ်နဲ့ မဆိုင်ပဲ အရပ်ဖက် ကျွန်တော်တို့ လမ်းပေါ်မှာ သူတို့က အဲဒီလို ကြိမ်းမောင်းပြီးတော့ တောင်းတယ်ဗျ။”
ဒါ့အပြင် အဲဒီ ကပစ ၁၈  စစ်တပ်ဂိတ် ကားလမ်းဘေးမှာ အရှည် ပေ ၃၀၀ ခန့် ရှိပြီး အမြင့် ၄ ပေလောက် ရှိတဲ့ မြေကြီးတွေ ဖို့ထားတဲ့အတွက် တောင်ကျရေ စီးဆင်းမှု မရှိပဲ ကားလမ်း အပေါ် အောက်မှာ ရှိတဲ့ လယ်ယာမြေတွေ ပျက်စီးနေကြောင်းလည်း ရွာသားတွေက ပြောပါတယ်။ ဒီကိစ္စအတွက် တောင်တွင်းကြီးမြို့နယ် မယက ကို တိုင်ကြားခဲ့ပေမဲ့ မြို့နယ် မယက အာဏာပိုင်တွေက ဒါဟာ စစ်တပ်ကိစ္စ ဖြစ်တဲ့အတွက် စစ်တပ်နဲ့သာ ညှိကြဖို့သာ ပြန်လည် ဖြေကြားတယ်လို့ ဆိုပါတယ်။
ရွာသားတချို့က စစ်တပ်ဂိတ်ကို သွားရောက် ရှင်းပြတဲ့အခါမှာ အဲဒီ ကပစ ၁၈ ဂိတ် တာဝန်ရှိသူတွေက လမ်းဖောက်တဲ့ ကုမ္ပဏီနဲ့သာ စကားပြောဖို့ ကြိမ်းမောင်း ပြောဆိုတယ်လို့ သိရပါတယ်။

Copyright © 1998-2011 Radio Free Asia. All rights reserved.